Պոսթոնի Մէջ Պատահած Մահափորձէն Ետք` Թեմին Առաջնորդը Կոչ Ըրած Է Սիրոյ Քաղաքակարթութեան
Ի Խնդիր։
Պոսթոնի Ս. Խաչ մայր եկեղեցւոյ մէջ գլխաւորած միջկրօնական արարողութեան մը ընթացքին,
ահաբեկչութեան զոհերուն համար, քաղաքին առաջնորդը գերապայծառ Օ'Մալէյ ըսաւ. ''պէտք ենք
նուաճել մահուան մշակոյթը ու աշխատիլ սիրոյ քաղաքակրթութեան հաստատումին ի խնդիր։ Այս
աշխատանքը կարելի չէ իրագործել անհատաբար այլ պէտք ենք գործել ընտանեկան ու համայնքային
մակարդակի վրայ։ Այս ողբերգութեան ի տես ամէնքս կանչուած ենք միասնաբար գործելու վերանորոգ
վճռակամութեամբ ու զօրակցութեամբ այն խոր համոզումը իւրացնելով որ կեանքը աւելի ուժեղ
է մահէն։'' Յայտնենք որ 15 ապրիլ 2013-ին երկու ռումբեր պայթեցան հանրութեան մէջ մինչ
համախմբուած էր դիտելու Պոսթոնի մարաթոնը։ Պայթումները պատճառեցին 3 մեռեալ եւ 170 վիրաւոր։
Պայթումի հեղինակները Չեչեն երկու եղբայրներ են` մեծը 26 տարեկան ոստիկանութենէն սպաննուեցաւ,
իսկ եկրորդը 19 տարեկան ձերբակալուեցաւ, անոնք հաւանաբար ներշնչուած էին իսլամական ծայրեղ
գաղափարախօսութենէն։